एटापल्लीत धनादेशाचे वाटप

उमेद अंतर्गत गडचिरोली जिल्ह्यातील एटापल्ली तालुक्यात अंतर्गत समुदाय संसाधन व्यक्तींना नुकतेच मानधनाचे धनादेश देण्यात आले.

एटापल्ली तालुक्यात SERP संस्थेच्या माध्यमातून बचतगट बांधणीचे काम सुरू आहे. संस्थेने एकूण ९ फे-या पूर्ण केल्या आहेत. बचतगट स्थापन केल्यानंतर संबंधित गावांत अंतर्गत समुदाय संसाधन व्यक्तीची (ICRP) निवड केली जाते. या अंतर्गत समुदाय संसाधन व्यक्तींना आंध्र प्रदेश येथे विशेष प्रशक्षण दिले जाते. प्रशक्षणानंतर अंतर्गत समुदाय संसाधन व्यक्ती गावांतील स्वयंसहायता गटांना मार्गदर्शन करतात. किमान ६ गटांना मार्गदर्शन देण्याची जबाबदारी त्यांच्यावर सोपविण्यात येते. या समुदाय संसाधन व्यक्तींना उमेदकडून मानधन देण्यात येते.

एटापल्ली तालुका अभियान कक्षात दिनांक ५ सप्टेंबर २०१४ रोजी कार्यरत अंतर्गत समुदाय संसाधन व्यक्तींची बैठक घेण्यात येऊन त्यांच्या पुढील कामाचे नियोजन करण्यात आले. आवश्यक त्या विषयावर त्यांना मार्गदर्शन करण्यात आले. या बैठकीत १२ व्यक्तींना मोबदल्याच्या धनादेशाचे वितरण करण्यात आले. या बैठकीस जिल्हा व्यवस्थापक राजेंद्र इंगळे, जिल्हा व्यवस्थापक नितीन कटकमवार, तालुका अभियान व्यवस्थापक श्री. हातेकर, तालुका व्यवस्थापक नेताजी आत्राम, श्री. भारत धुर्वे, लेखापाल श्री. सोरते तसेच तालुका कक्षातील इतर सहका-यांची उपस्थिती होती.